DOWWE DOLLA: BETAAL BELASTING (2015) - R100

Met die dat sommige mense deesdae betaal om na Dolla se praatjies te kom luister, kom sy met ‘n skok agter dat sy vir die eerste keer in haar lewe ‘n belastingopgawe sal moet indien. Dis ‘n ingewikkelde en senutergende proses en Dolla besluit om die hulp in te roep van eksperts op die gebied soos Kenny Kunene, Arthur Brown en Kotie se consultant Rashid van die Vlakte. Sy leer ongelooflik nuttige nuwe inligting soos wanneer die beste tyd is om deur restaurante en ryk mense se rubbishbins te snuffel op soek na kontantstrokies wat mens kan eis, asook hoe om die eekhorings in jou tuin afhanklikes te maak.

Sy besluit ook om navorsing te doen oor wie eintlik in charge is van die geld wat sy betaal en maak ‘n dinner date met die ambassadeur van China. Dolla vat die gehoor weereens op ‘n roller coaster rit wat elke nou en dan dreig om te ontspoor... want net soos brandewyn, het belasting nie brieke nie.

DOWWE DOLLA 007: GESKUD NIE GEPLUK NIE (2010) - R100

Eers was daar Honey Ryder.  Plenty O'Toole.  Pussy Galore.  En nou Dolla.Dowwe Dolla. 007.  Sy moet die wêreld red.  Alweer.  Want Jurie lyk daagliks meer soos 'n robbie(s).  En Julius Malema, sê ma' vi' sy grêmma, Julius wil 'n Mercedes hê.  En arme Kaster praat so diep want daar's 'n brulpadda in haar keel.  Maar Dolla vra: hoeveel is brul en hoeveel is padda?  Kom vind uit.  Dowwe Dolla 007: license to tril!

PILLE VIR DOMGEIT - R30

Dolla is ook deel van ‘n ongelooflike nuwe mediese deurbraak:  Wat meeste wetenskaplikes voorheen as wensdenkery beskou het is nou ‘n werklikheid: Dolla se Pille vir Domgeit… …‘n wonder-produk wat verligting gaan bring vir derduisende mense wat ly aan simptome soos verwarring, lae selfbeeld, lamheid in die kop en ontoereikende houtwerkpunte. Ongelukkig is hierdie medikasie op hierdie stadium slegs  beskikbaar  by Dolla se “lewendige” vertonings

Produkte kan bestel word by margitm@mweb.co.za en is ook beskikbaar by vertonings.

Posgeld tariewe nie ingesluit.

DOWWE DOLLA: DINK DIEP (2013) - R100

Twee boeke van Frederick Nietsche en Siener van Rensburg beland per ongeluk tussen Dolla se versameling Mills & Boon’s wat sy spesiaal vir haar “trip” op die Costa Concordia bymekaar gemaak het. Dolla begin lees terwyl sy wag om aan boord te gaan. “Kennis is mag”, sê Nietshce, maar “Kennis sonder begrip is gevaarlik”… en, soos te verwagte,  kry Dolla onmiddelik ‘n uitnodiging van die Kaptein om op die “brug” te kom kuier…

Die res is  geskiedenis, maar soos julle weet, Dolla was al op Survivor, en die hele ondervinding laat haar dink..DIEP dink, oor diep dinge soos “alpha-males”, Twitter, “Afrikaanse pop-liedjie lirieke en Nietsche se Relatiwiteits-teorie… of was dit nou Albert s’n?